25. júní 1994.

Ákveðnir atburðir verða oft til þess að maður getur státað sig af því að hafa óbrigðult minni  

Fyrir 14 árum síðan var ég að koma heim af Jónsmessumóti í golfi.  Þreytt eftir barning sem skilaði mjög líklega næstneðsta sæti á mótinu. Ég man ekki til að hafa nokkurn tíma orðið svo "heppin" að hafa  svo mikið sem  fengið skammarverðlaunin.(Ég get lofað því að þarna er minnið NÁNAST óbrigðult)   Ef einhver er að spá  í af hverju ég lagði golfskóna á hilluna þá er þetta nú ein ástæðan  Hugsanlega hefði árangurinn orðið betri ef ég hefði flutt lögheimilið á völlinn, ég skal ekki segja, en  mér fannst þessi árangur eftir mikinn  barning í orðsins fyllstu,  barasta ófyrirgefanlega slakur, áhuginn líklega ekki nægilega mikill þarna til að taka almennilega  á því svo að ég hætti.

Á þessum tíma var mágkona mín hún María, ófrísk og komin á tíma.  Ég man að hún var úti í glugga og veifaði  okkur þegar við komum heim af þessu golfmóti, síðla nætur.  Að deginum 25. júní 1994 fæddist svo ein af  frænkum mínum,  hún Karen Ingibjörg.    Ég tel nú ekki líklegt að mamma hennar  hafi velt sér uppúr dögginni áður en stúlkubarnið  fæddist en hún fékk samt mikinn kraft í vöggugjöf þessi dama  það væri synd að segja annað.   Hún er kraftmikil og kát, dugleg að læra og þetta  skilar sér í íþróttaiðkunina,  nældi sér í 6 verðlaun þar af fjögur gull á íþróttamóti á síðustu helgi. Ekki amalegur árangur það.  Hún er bara svo góður karakter þessi stelpurófa sem telur auðvitað hvað mest  

Hafi ég verið tapsár eftir golfmótið þá hefur það örugglega gleymst algjörlega við fæðingu þessa gullmola sem fæddist þarna daginn eftir mótið. 

Til hamingju með daginn og  elsku Kæsan mín  

                               

 

Með golfið.......hver veit nema ég eigi eftir að rölta golfvelli innan örfárra ára það blundar nú alltaf vottur af áhuga ......... segi það ekki  

Hæfileikarík

Ég hef verið að hlusta á músíkina hennar undanfarið. Mikill snillingur þessi unga kona.

Jónsmessunóttin.

Það er freistandi að velta sér uppúr dögginni í nótt.  Dögginni sem sögð er svo sérlega heilnæm á þessari nóttu.  Líklega er ég  allt of spéhrædd til að fremja þann gjörning.  Legg það ekki á nokkurn mann að verða vitni að slíku, því það yrði  óhjákvæmilegt, túnið hjá mér er á milli tveggja gatna sem  liggja í gegnum bæinn  Kannski er traffík í bænum á Jónsmessunótt, hver veit 

Ég ætti kannski að gera það gerast djörf, hlaupa nakin niður fyrir hús í nótt.   Þjóðtrúin segir döggina á Jónsmessunótt svo heilnæma og fulla af lækningarmætti að það er í raun vitleysa að nýta ekki tækifærið.  Ætti ég ?  Nei annars, ég hef aldrei verið höll undir þjóðtrúna eða hjátrú yfirleitt.  Hræðist hvorki töluna 13, að ganga undir stiga, brotna spegla svo fátt eitt sé nefnt.  En það er gaman að þjóðtrúnni eigi að síður.  Óska öllum góðrar heilsu sem velta sér uppúr dögginni í nótt.  Er alveg á því að það geti í ölllu falli verið hressandi  

Helgarferðin.

Ég brá mér til Ísafjarðar í góða veðrinu. Í dag gengum við smá spotta en brattan upp í svokallaða Naustahvilft sem er ofan og utan við flugvöllinn gengt bænum.  Flottur staður og magnað útsýni.

 

 Skemmtilegur göngutúr

 

Flott á því ;-)

Hvort þetta er svar við háu bensínverði þegar farartækið á kvöldrúntinn er valið skal ósagt látið

Þau tóku sig vel út Pétur og María á nýuppgerðum bátnum Mána í kvöldsólinni.

Sterk í vindbarinni auðninni.

Takk fyrir frábært framtak !

Hér sit ég og horfi á þáttinn "Á allra vörum", söfnunarþátt á fjármagni til kaupa á  tæki til greiningar á brjóstakrabbameini á frumstigi.  Ótrúlegur fjöldi kvenna greinist með brjóstakrabba í hverjum mánuði.  Þetta snertir okkur allar og öll.  

Flest okkar þekkja einhvern sem hefur greinst með krabbamein.   Bara hér á minni bloggsíðu má finna sannkallaða hetju,  Jóhönnu  Gísladóttur.  Hún  hefur ekki aðeins greinst einu sinni með brjóstakrabba heldur tvisvar.  Í meðferðarferli fyrri greiningar uppgötvaðist  nýtt mein í hinu brjóstinu  og því þurfti að endurskoða meðferðarferilinn allan.  Búið er að komast fyrir krabbameinið og í dag er Jóhanna á því stigi að hún fer í  eftirlit og er á fyrirbyggjandi lyfjum.  Alls er þetta 10 ára ferli að mér skilst.   Já það er mikil lífsreynsla að ganga í gegnum svona lagað.  Ég  vona svo sannarlega að okkur lánist að efla þekkingu og allar varnir gegn þessum vágesti.  Liður í því er vissulega þessi söfnun "Á allra vörum" á Skjá einum  í kvöld. 

Ég hef tröllatrú á að árangur söfnunarinnar verði góður.          

Takk fyrir framtakið 

Húsfreyjan

Til hamingju með daginn í dag

Ég var að skoða blaðið Húsfreyjuna.  Mér þótti það nú ekki par spennandi  hérna áður fyrr.  Þá las ég BARA Nýtt líf, Marie Claire, Vouge og fl.   Hef líklega verið haldin einhverjum Húsfreyjufordómum á þessum árum.   Tengdi þetta frekar við eldri konur þetta blað.  En svo eldist maður og þroskast og hættir stælunum, sem voru kannski eitthvað ómeðvitaðir -  ég skal ekki segja.   Ég skoðaði blaðið Húsfreyjuna  og sá að þetta er virkilega grand  blað  sem fjallar um Íslenskar konur  frá A-Ö. 

Á þingi Kvenfélagasambands Íslands á Akureyri sumarið 2006 barst nafnið á þessu blaði í tal á meðal kvenna.  Mörgum þótti nafnið gamaldags og vildu breyta því en öðrum þótti þetta smart og fannst ekki endilega þurfa að henda því,  þessu gamla og rótgróna  nafni.  Þrátt fyrir skiptar skoðanir þarna á þinginu  heitir blaðið nú ennþá Húsfreyjan og verður líklega bara þannig áfram.  Það er á hreinu að blaðið er gott, tölublöðin jú misjöfn eins og gengur í allri blaðaflóru en heilt yfir bara mjög gott. 

Húsfreyjan birtir  viðtöl við konur um allt land,  um snyrtingu, mataruppskriftir, heilsupistla, greinar um börnin og fjölskylduna,  sýnir handavinnu  og bara að nefna það.  Gefið út fjórum sinnum á ári og kostar kr. 3.600,- í áskrift.  Gerist ekki þægilegra fyrir svona vandað dæmi.

Í nýjasta tölublaðinu er uppskrift af "glæpsamlega" geggjaðri  peysu(hönnuður Ásdís Birgisdóttir, textílhönnuður )  og ég get ekki séð betur en að þetta sé nánast eins peysa og leikkonan Sofie Gråböl klæðist í  frábæru þáttunum "Forbrydelse" sem voru í sjónvarpinu í vetur.  Ótrúlega smart,  skora á áhugasamar prjónakonur  - og allar konur auðvitað - að kíkja í blaðið

Ganga á Geirseyrarmúla.

Skórnir fóru á Múlann og að sjálfsögðu á fótunum á mér   

                                                      Endilega smellið á myndirnar til að stækka.

 

Hér að ofan má sjá myndir teknar af  og á fjallinu, reyndar teknar á símann og myndgæðin eftir því frekar í lélegri kantinum, sólin var svo sterk að ég sá varla af hverju ég var að taka myndir en mesta furða hvað þær þó lukkuðust vel.

Síðasta myndin er svo tekin  þegar ég var aðeins byrjuð að rölta niður á leið og ef vel er að gáð sést hvar göngugarpinn (mont ) ber við himinn.  Það er gaman að ganga á Múlann og fínasta æfing fyrir frekari fjallaferðir fyrir óvana eins og mig sem tel þetta enn sem komið er til mestu afreka . 

Á heimleiðinni rann ég svo á þennan fína  súpuilm á Mikladalsveginum og þáði  trakteringar  hjá Jensinu sem vissi af mér  á ferðinni og tók þessar mynd hérna fyrir neðan.

Vonandi að maður verði svo duglegri við svona gönguferðir í sumar en það er auðvitað planið

 

Ekkert kjaftæði með það.....

....Múlinn á morgun