Gleðilega páska.

 

Þessi jafnast á við stórt páskaegg.   

2 marengebotnar  í hvorn þarf 3 eggjahvítur(4 ef eggin eru lítil), 150 gr. púðursykur og 80 gr. hvítan sykur. Allt þeytt saman í dágóða stund þar til þetta er orðið létt.  Sett á smjörpappír og bakað við 150°c í klst.  Á milli : er 1/2 l.rjómi þeyttur og perur úr dós marðar saman við, - gott að hafa brytjað piparmyntusúkkulaði útí.   Ofan á:  er svo sett súkkulaðikrem: ca 2 eggjarauður, þeyttar vel, 3 matsk. flórsykur, brætt suðusúkkuðlaði ca 70 gr. og 3 dl þeyttur rjómi. (Í þessu kremi var ég ekki með uppskriftina við hendina en það var svona u.þ.b framangreint sem notað var ) -  Þessu er svo öllu blandað vel saman og kakan smurð.   Einfalt og þægilegt  sérstaklega hafi maður gert marengebotnana a.m.k deginum áður.  Verði ykkur að góðu.

Athugasemdir

[Heiður Helgadóttir, 23.3.2008 kl. 11:45]

Þessa uppskrift leist mér vel á, Ætla að prófa hana við fyrsta tækifæri.

[Þórunn:) (IP-tala skráð) 24.3.2008 kl. 01:16]

Vá ekkert smá girnileg kaka:) mmm, baka á næstu helgi:P

[Anna (IP-tala skráð) 24.3.2008 kl. 09:35]

Takk fyrir commentin báðar tvær. Ég sleppti reyndar að hafa piparmyntusúkkulaðið á milli, alveg dísæt þessi bomba 

[Guðmundur Viðar (IP-tala skráð) 24.3.2008 kl. 13:39]

Ég er nú búinn að borða þessa köku og hún er virkilega góð!

[Anna, 31.3.2008 kl. 23:34]

Takk fyrir það Guðmundur Viðar minn  kv. mamma