Jóladagar

Notalegir þessir jóladagar, voðaleg rólegheit svona framan af dögum, myndagláp og blókalestur.  Reyndar bókARlestur hér á bæ.  Fékk eina og er þegar lögst í lestur.  Þykk og mikil - gæti bent til þess að hún dugi lengi en þó ekki miðað við lýsinguna á bakhlið, ef bækur eru góðar er of erfitt að slíta sig frá lestrinum.  Áhugaverð bók þessi og  heitir Dóttir myndasmiðsins. 

Veðrið hefur ekki verið uppá það besta en gæti verið verra, maður má ekki vera síkvartandi yfir því sem enginn ræður við.   Lítill herramaður sem upplifði sín fyrstu jól, brosti sínu blíðasta framan í frænku sína í gærkvöldi og áhrif svona brosa eru mögnuð.   Skemmtilegur dagur framundan, jólaboð fjölskyldunnar.  Hér verður drukkið súkkulaði úr ævagömlu fallegu  súkkulaðibollastelli  ömmu og afa sem eingöngu er notað á jólum.      

Í kvöld ætla ég í langan góðan göngutúr og anda að mér fersku útiloftinu sem er auðvitað bara hollt og gott eftir allan ilm úr súkkulaðipottinum.  Koma við í kirkjugarðinum og krossa yfir leiði ættingjanna.   Mér sérstaklega hugsað til ungs manns, bróðir vinar míns  sem lést á aðfangadag eftir erfiða baráttu við meinið sem því miður hafði betur.  Í fallegum krikjugarðinum okkar er minningarsteinn og þar kveiki ég á  kerti fyrir þennan unga mann sem kvaddi allt of fljótt.

 

 

 

 

 

Athugasemdir

[Sólveig Ara (IP-tala skráð) 26.12.2008 kl. 18:45]

Heil og sæl Anna mín,

Jóladagarnir eru til þess að slappa af, ég er þakklát fyrir textavarpið - því þá veit ég hvort það er dagur eða nótt, eftir því hvort klukkan þar segir 05:00 eða 17:00, ég nefnilega leggst í bókalestur og alltaf myrkur þegar ég lít upp úr þeim. Þessi jólin eru ekki alveg eins og þau fyrri hvað varðar lesturinn og ég náði því dagskímunni  í dag - falleg sólaruppkoman, var þó ekki með svona góða áætlun og þú að fara út að ganga........geri það vonandi sem fyrst.

Bestu kveðjur til þín,

Sólvieg.

[Sóldís Fjóla Karlsdóttir, 27.12.2008 kl. 10:24]

Gleðilega hátíð og megi bókin endast sem lengst. Ég ætla út að ganga á eftir. 

[Þórunn;) (IP-tala skráð) 28.12.2008 kl. 01:01]

Það er rosalega gott að hafa það notalegt með góða bók;)

[Anna (IP-tala skráð) 28.12.2008 kl. 23:27]

Takk fyrir athugasemdirnar allar þrjár