Með kaffinu

Í smá kaffipásu lít ég á fréttamiðlana.   Ég vona að þessi laugardagur verði góður á sem flestum sviðum.  Að þeim sem gangi til góðs með Rauða krossinum verði vel tekið og sömuleiðis vel ágengt í að safna. 

Mogginn greinir frá því að menn hafi hist í rauðabýtið(ég hefði haft þetta rauðaBÍTIÐ) til að funda um leiðir til lausnar þessa mikla vanda sem herjar á okkur um þessar mundir í efnahagsmálum.  Ég vona ekki síður að þessum aðilum verði vel ágengt í að finna leiðir.   Það er ekki tryggt að lífið sé dans á rósum, það hefur almenningur í landinu aldeilis fengið að kynnast og þ.m.t. þeir sem sóttust eftir að komast í sæti á alþingi.  Ég vona að þeir sem maður treystir fyrir  þjóðarskútunni verði vandanum vaxnir þegar upp er staðið, gríðalega stór vandi og enginn öfundsverður af glímunni.  Þessi darraðadans verður eftirminnilegur og vonandi nógu mikið til að hann verði lærdómsríkur.   

Umræða má ekki fara úr böndunum og mér fannst ágætt  þegar Landlæknir og Lýðheilsustöð sendu ábendingu til allra um að fara varlega í  orðræðu um ástandið í þjóðfélaginu.  Umræðan vekur ótta hjá börnum og fleiri aðilum.  Það þarf að útskýra hlutina og sefa ótta.

En nú er kaffipásan búin - eigið góðan dag

 

Athugasemdir

[Jents (IP-tala skráð) 5.10.2008 kl. 13:43]

Sælinú.

Þetta er kveðja sem ég an eftir frá því ég var krakki. Pabbi og hinir kallarnir heilsuðust þannig, þ.e. ef ég er ekki að búa það til. (Maður er jú farin að muna tímana tvenna, og - gleyma öðru hvoru líka )  

Fáum við ekki að sjá afraksturinn af málningarvinnunni ? Sendu nú eina fína mynd sem sýnir árangurinn.

Sjálf er ég búin að standa á haus í skúffum, skápum, kjallaranum og á pallinum, auk þess að blása i einni bloggfærslu.  Mikið afrekað þessa helgina.

Tek undir varnaðarorð landlæknis og Lýðheilsustöðvar sem þú nefnir í pistlinum.

Í hugum barna og viðkvæmra einstaklinga trúi ég að ríki nú ótti sem líkist því sem þekkist á styrjaldartímum. Hef þreyfað á þessu og er algerlega sannfærð !

Aðgát skal höfð í nærveru sálar, - þrátt fyrir okkar sjálfhverfa lífsmáta.

Sjáumst.

[Anna (IP-tala skráð) 6.10.2008 kl. 08:03]

Takk fyrir þetta.  Já aldrei að vita nema að ég setji inn mynd við tækifæri.  Enn rignir 'ann.  Þá er einmitt gráupplagt að fara í sorteringu og tiltekt.