Af málverki.

Það hefur líklega verið sumarið 2001 sem foreldrar mínir voru í sumarhúsi í Ögri við Ísafjarðardjúp.  Þá er ég að tala um gamla íbúðarhúsið í Ögri sem Landsbankinn eignaðist og lét gera upp á mjög svo fallegan hátt.  Bara virkilega sjarmerandi hús og hefur verið byggt af miklum myndarskap á síðari hluta 19. aldar ef ég man rétt.   Staðurinn Ögur -  friðsæll,  fallegur og útsýnið  fagurt  þarna í Djúpinu.  Gott útsýni yfir allt og einnig  bílakirkjugarðinn landsþekkta sem er á bænum Garðstöðum. Einhver okkar var komin eitthvað á þriðja hundraðið þegar hætt var að telja bílana. En þessi bílakirkjugarður er nú alveg sér kapítuli út af fyrir sig.

Ég fór sem sagt og heimsótti foreldra mína sem voru þarna í Ögri með fleira fólki. Eitt af þeirra síðustu sumarfrísferðalögum saman.   Ég hafði með mér mynd sem ég hafði keypt til að sauma út en átti eftir að sortera litina í hana, setteringarnar voru svo líkar á litinn að það var fínt að dunda sér við þessa sorteringu í  afslappelsinu í Ögri.  Ég lauk svo við myndina (á mettíma á minn mælikvarða) og  lét ramma hana inn.  Mér finnst hún alltaf  falleg þessi mynd.

 

Uppruni englanna  er á frægu  málverki eftir Ítalska  málarann Rafael Sanzio (1483-1520), The Sistine Virgin.  Sagan segir að Málarinn hafi verið fenginn til að mála myndina fyrir Julíus II páfa  og persónurnar við hlið Maríu meyjar, St. Sixtus og St. Barbara eru sagðar eiga að vera Julíus páfi og frænka hans Julia Orsini eða önnur frænka hans Lucrezia de la Rovere. 

 

Smellið á myndina til að stækka.

 

 

Athugasemdir

[Jónína (IP-tala skráð) 16.9.2008 kl. 22:19]

sæl Anna mín, vildi bara kvitta fyrir innlitið mitt svona einu sinni :) alltaf gott að kíkja hingað inn. bið að heilsa í bæinn.

 kv. úr Grænukinninni

[Anna, 16.9.2008 kl. 22:39]

Hæ Jónína og takk fyrir þetta.  Bið sömuleiðis að heilsa og kysstu litluna frá mér, kíki á ykkur á næstunni 

[Guðný , 17.9.2008 kl. 19:48]

Ég hafði nú aldrei leitt hugann að því hver væri uppruni þessarar englamyndar sem maður hefur víða séð, bæði málaða og saumaða.

Kv. Guðný

[Anna (IP-tala skráð) 17.9.2008 kl. 22:07]

Akkúrat Guðný hún er á öllu mögulegu þessi, álboxum, servéttum og fl.  Kannski tíska á einhverjum tímapunkti eins og hin og þessi munstur.