1968 - 2008.

Á þessu ári er Björgunarsveitin Blakkur á Patreksfirði 40 ára.  Þess verður minnst laugardaginn 6. september með ýmsum uppákomum, sýningu nýs björgunarsveitarhúss, bílaflota einhverra sveita auk þyrlu og varðskips svo fátt eitt sé nefnt.  Um kvöldið verður svo árvisst Sælkerakvöld sem Björgunarsveitin og Slysavarnardeildin á staðnum halda.  Sælkerakvöldið inniheldur  frábært og fjölbreytt hlaðborð, skemmtun og dansleik á eftir. Aðkomu skemmtikraftar mæta og veislustjóri er Björgvin Franz Gíslason sem kann nú sitt lítið af hvoru til að hressa upp í daufasta fólki

Í tilefni afmælisins hefur verið gefið út blað með greinum frá starfsemi sveitarinnar og myndum frá liðinni tíð.    Fróðlegt blað og sérstaklega gaman að sjá gamlar myndir af ofurhugum sem hafa sigið í Látrabjargið til eggjatöku í gegnum árin og í líka í æfingaskyni.  Ég prívat og persónulega skil ekki hvernig menn þora öðru eins   

En að allt  öðru.  Fyrirsögnin á síðustu færslu gæti verið kínverskuskotin.  En þarna á vissulega að standa Hunang en ekki Hungang   Ég er svo sem ekki viss um að margir hafi tekið eftir þessu en mér fannst þetta bara fyndið.  Ég skrifa þetta auðvitað allt á nýju gleraugun

Athugasemdir

[Jóhanna Gísla (IP-tala skráð) 3.9.2008 kl. 08:48]

Hæ Anna!

Átt þú bókina "Múrinn í Kína" sem þú minnist á hérna í eldri færslu?

Ég var nú bara síðast í gær að leita að henni til sölu á netinu því ég var búin að heyra að hún væri svo góð

Höfundurinn Huldar Breiðfjörð er annar þeirra sem eru með Geir í Skjaldborgarhátíðardæminu þannig að maður ætti nú að láta verða að því að lesa bókina hans

Kveðja,

Jóhanna

[Anna, 3.9.2008 kl. 17:30]

Já  Jóhanna þú verður ekki svikin af lestrinum.  Spurning um að finna hana hjá bókaútgáfunni Bjarti ( bjartur.is )  svo er hún til í bókasafninu