Íþróttafélagið Hörður, Patreksfirði 100 ára.

Á sumardaginn fyrsta verður heilmikið húllumhæ hér í bæ.  Haldið verður uppá 100 ára afmæli Íþróttafélagsins Harðar.   Þetta verður gert með pompi og prakt og öllum bæjarbúum boðið til mikillar veislu.  Byrja herlegheitin með íþróttaveislu, leikjum og þ.h í íþróttahúsinu okkar FLOTTA.   Þaðan verður svo haldið fylktu liði inn í Félagsheimili staðarins (sem er auðvitað með þeim flottari  ) þar sem boðið verður uppá veitingar og fl.  Það er vel til fundið að halda uppá þetta á Sumardaginn fyrsta sem í mínum huga er svona dæmigerður fjölskyldudagur.  Veg og vanda af undirbúningi afmælisins hafa þrjár kjarnakonur haft og svo skemmtilega vill til að þær heita allar nafninu Anna.  Það eru þær Stefanía Einarsdóttir, Jensdóttir og Valsdóttir.  Já það vantar ekki Önnurnar hér í bæinn og hægt að telja fleiri til en það er önnur saga. Íþróttakennari staðarins og ung íþróttakona hér sjá svo um íþróttaveisluna sjálfa. 

Sem sagt fjör og flottheit á Patró á Sumardaginn fyrsta og mér sýnist stefna í að veðrið svíki engann. Ég verð ekki á staðnum til að geta svo bloggað  um upplifun afmælisdagins en lagnaði engu að síður til að segja frá þessu hér.   Afmælisbarnið fær að sjálfsögðu heillaóskir í tilefni þessara merku tímamóta. Megi Íþróttafélagið Hörður lifa og dafna um alla framtíð.

                          GLEÐILEGT SUMAR OG TAKK FYRIR VETURINN  

Athugasemdir

[Júdas, 24.4.2008 kl. 18:18]

Gleðilegt sumar mín kæra 

[Guðjón H Finnbogason, 26.4.2008 kl. 18:06]

Kæra bloggvina.Gleðilegt sumar og þakka bloggið í vetur.

[Júdas, 27.4.2008 kl. 08:37]

Fjórir dagar og ekkert blogg??  Hvar ertu kona?

[Anna, 28.4.2008 kl. 10:44]

Takk báðir tveir