Í morgun...

Það var sem sagt að ég dreif  mig í morgun  og naut mín ein í líkamsræktarsal Bröttuhlíðar  en svo fór að fjölga í salnum, sem betur fer auðvitað  og það alveg um nákvæmlega eina manneskju  .  Nýju græjurnar eru fínar.  Ég var þó  hrifnust af upphífingartæki sem var eitt af þessum splunkunýju.  Handviss um að það svínvirkar . Það voru reyndar óvenjufáir akkúrat í morgun, það er nú ekkert eins og stöðin sé ekki vel sótt, öðru nær.  Þetta var hressandi og  á eftir sest maður svo niður í móttökunni og slakar pínu á  yfir kaffibolla áður en haldið er í vinnuna.  Bara notalegt.

Fyrir þá sem hugsanlega lesa þetta en hafa ekki komið á staðinn þá er flott að kíkja í sund/sal jafnvel eftir hring á golfvellinum hér innar í firðinum - já hér er öflugur kúbbur og alveg feikna fínn golfvöllur, vantar ekkert uppá það

Í hádeginu knúsaði ég svo litlu múlluna hana Rakel Söru sem birtist hér óvænt með foreldrum sínum í gær, ömmum, öfum og öðrum ættingjum til mikillar gleði.   Sú hefur stækkað, komin með tennur og alles - okkur kom ágætlega saman frænkunum þó nokkuð sé liðið frá síðasta hittingi þar sem daman er flutt á suðurhornið  

 

 

 

Athugasemdir

[Anna, 3.4.2008 kl. 11:55]

Sæl nafna og takk fyrir samþykkið. Gaman að lesa bloggið þítt.

Brattahlíð er  nafnið á nýlegu  íþróttahúsi okkar Patreksfirðinga og varð hlutskarpast í samkeppni um nafn.   Á þessum stað stóð áður bústaður Sýslumanns en það hús  varð síðar  safnaðarheimili og hafði heitið þessu nafni.