Steinn Steinarr

Ég var að lesa að í ár er öld frá fæðingu skáldsins.  Með ljóðum hans varð ákveðin  formbylting í íslenskri ljóðagerð.  Ljóð Steins eru mörg hver dapurleg og bera keim einmanaleika. En falleg eru þau  og snilldarlega ort. Hann hefur lengi verið einn af mínum uppáhalds ljóðskáldum og með  þeim fyrstu sem ég las af einhverju viti.  Í plötusafni foreldra minna var til plata þar sem Kristín Ólafsdóttir söng ljóðið Barn eftir Stein  á sérlega fallegan hátt.  Þetta hafa aðrir sungið síðan og bara nýlega kom þetta út á diski en ég man ekki hver söng.  Gott ef það var ekki Raggi Bjarna og einhver með honum.  Tíminn og vatnið er sérlega falleg röð ljóða og hér kemur smá sýnishorn af kveðskap Steins og er nr. 15 í fyrrnefndri röð:

Í sólhvítu ljósi

hinna síðhærðu daga

býr svipur þinn.

--- 

Eins og tálblátt regn

sé ég tár þín falla

yfir trega minn.

--- 

Og fjarlægð þín sefur

í faðmi mínum

í fyrsta sinn.